STEM Húsavík var stofnsett í maí 2022 af Huld Hafliðadóttir og Bridget Burger ásamt ráðgefandi stjórn.
STEM Húsavík er fyrsta formlega STEM Learning Ecoysystems námsvistkerfið á
Íslandi.
Eftirfarandi fyrirtæki og stofnanir eru hluti af vistkerfi STEM Húsavík, auk fjölda einstaklinga.
Ef þú eða þitt fyrirtæki/stofnun hefur áhuga á að vera meðlimur STEM Húsavík endilega fylltu út þetta form!
KRAFTURINN FELST Í SAMSTARFINU:
Saman erum við sterkari!
STEM námsvistkerfi snýst um að leiða saman aðila með sameiginlegt markmið og framtíðarsýn í tengslum við STEM menntun og uppbyggingu færni fyrir 21. öldina.
STEM Húsavík starfar eftir líkani STEM Learning Ecosystems námsvistkerfisins og þjónar sem vistkerfi fyrir ólíka hagaðila samfélagsins til að efla STEM menntun og tækifæri á svæðinu.
Upphafið
STEM Húsavík er fyrsta þverfaglega STEM námsvistkerfið á Íslandi með áherslu á samfélagsþátttöku.
STEM Húsavík hefur aðstöðu á Stéttinni á Húsavík og var formlega sett á laggirnir í maí 2022 af verkefnastjóra, ráðgjafa og ráðgefandi stjórn STEM Húsavík. Þá var unnin markmiðsyfirlýsing, innviðakortlagning og SVÓT greining, auk stefnumótunarvinnu fyrir fyrsta starfsár STEM Húsavík. Í ráðgefandi stjórn sitja aðilar frá eftirfarandi stofnunum: Þekkingarneti Þingeyinga/FabLab Húsavík, Hvalasafninu á Húsavík, Náttúrustofu Norðausturlands, PCC Bakka Silicon, Ocean Missions, Rannsóknasetri Háskóla Íslands á Húsavík, Framhaldsskólanum á Húsavík, auk óstofnaðra samtaka um verndun í og við Skjálfanda. Til stendur að setja á fót skólaráð STEM Húsavík með aðkomu allra skólastiga.
Markmið
Markmiðyfirlýsing STEM Húsavík er að efla íbúa og byggja upp færni með því að tengja saman fjölbreyttar auðlindir, náttúru og samfélag.
Eftir því sem umhverfisaðstæður breytast er hefðbundnum lífsháttum og framfærslu ógnað, ekki síst í smærri byggðarlögum landsins. Hraðar tækniframfarir kalla á nýja hæfni og samfélög verða að aðlagast og þróa færni sína, viðhorf og seiglu gagnvart þessum breytingum. Það sama á við um hæfni til að vinna þvert á ólík svið, leita nýrra lausna, gagnrýna og taka virkan þátt í lýðræðislegri umræðu.
Samfélagsleg nálgun á STEM fræðslu og kennslu eykur áhuga ungra sem aldinna á umhverfi sínu og opnar fyrir möguleika í grunnmenntun, símenntun og endurmenntun. Slík nálgun getur einnig ýtt undir áhuga á raungreinum strax á unga aldri og eflt vísinda-, umhverfis- og haflæsi allra þátttakenda, auk þess að hvetja til nýskapandi nálgana á aðsteðjandi og raunverulegum vandamálum.
Tímalína STEM Húsavík
Október 2021 – Umsókn í Uppbyggingarsjóð Norðurlands eystra
Febrúar 2022 – Úthlutun úr Uppbyggingarsjóði Norðurlands eystra (1.500.000)
Febrúar 2022 – Markvisst unnið að stofnsetningu STEM Húsavík
Mars 2022 – Umsókn um komu Fulbright sérfræðings
Maí 2022 – Umsókn í Lóu, Nýsköpunarsjóð fyrir landsbyggðina
Maí 2022 – Fyrri Fulbright heimsókn Bridgetar Burger
Maí 2022 – STEM Húsavík formlega stofnað
Maí 2022 – Þekkingarnet Þingeyinga styrkir STEM Húsavík um hálft stöðugildi (júní – september)
Júlí 2022 – Úthlutun úr Lóu, Nýsköpunarsjóði fyrir landsbyggðina (4.200.000)
Júlí 2022 – Umsókn í Samfélagssjóð Landsvirkjunar v. hlaðvarpsþáttagerða
Ágúst 2022 – Úthlutun úr Samfélagssjóði Landsvirkjunar (400.000)